काठमाडौं । भावी प्रधानमन्त्रीका रुपमा हेरिएका गगन थापा प्रतिनिधि सभा सदस्यमा विजयी भएका छन् ।
काठमाडौं निर्वाचन क्षेत्र नम्बर ४ मा गन्न बाँकी अब ४ हजार ८७१ मत छ । तर, थापाले आफ्ना प्रतिद्वन्द्वीभन्दा ५ हजार मत बढीले लिड गरेकाले उनको जित निश्चित भएको हो ।
पछिल्लो मत परिणाम अनुसार थापाले १९ हजार १४ मत प्राप्त गर्दा उनका प्रतिस्पर्धि नेकपा एमालेका राजन भट्टराईले १३ हजार २७ मत पाएका छन् । योसँगै थापा प्रतिनिधि सभा सदस्यमा विजयी भएका हुन् ।
