काठमाडौं ।  भावी प्रधानमन्त्रीका रुपमा हेरिएका गगन थापा प्रतिनिधि सभा सदस्यमा विजयी भएका छन् ।

कांग्रेसका महामन्त्रीसमेत रहेका थापाले नेकपा एमालेका उम्मेदवार राजन भट्टराईलाई हराएका हुन् । थापाले २१३०२ मत ल्याएका छन् भने एमालेका भट्टराईले १३८५५ मत ल्याएका छन् ।

०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए । तर ३२ सय मतान्तरले थापाले जितेका थिए । यसपटक थापाले मतान्तरले थप फराकिलो बनाएका छन् ।

भट्टराईलाई थापाले ७,४५७ मतान्तरले पराजित गरेका छन् । तर औपचारिक घोषणा हुन भने बाँकी छ ।