काठमाडौं । पछिल्लो समय चर्चामा रहेका धरान उपमहानगरपालिकाका मेयर हर्क साम्पाङले उम्मेदवार सबैलाई जितको शुभकामना दिएका छन् ।
सामाजिक सञ्जाल फेसबुकमा एउटा स्टाटस लेख्दै उनले प्रतिनिधि तथा प्रदेश सभा सदस्यका सम्पूर्ण उम्मेदवारलाई जितको शुभकामना दिएका हुन् । साम्पाङ बैशाख ३० गते सम्पन्न स्थानीय तहको निर्वाचनबाट निर्वाचित धरान उपमहानगरपालिकाका नगरप्रमुख हुन् ।
आइतबार देशभर उत्साहका साथ मतदान भईरहेको छ । मतदान साँझा पाँच बजेसम्म जारी रहनेछ । प्रत्येक्षतर्फ १६५ सिटका लागि देशभरबाट २४१२ जना उम्मेदवार प्रतिस्पर्धामा छन् । जसमा १५४५ दलका र ८६७ स्वतन्त्र उम्मेदवार रहेका छन् । यस्तै, प्रदेश सभाका लागि ३२२४ जना उम्मेदवार प्रतिस्पर्धामा छन् । त्यसमध्ये २१३० जना दलका र १०९४ स्वतन्त्र उम्मेदवार रहेका छन् ।
