काठमाडौं । लघुवित्त वित्तीय संस्थाहरुको कर्जामा लगाईएको १५ प्रतिशतको क्याप हट्ने भएको छ । मौद्रिक नीतिको पहिलो त्रैमासिक समिक्षा गर्दै नेपाल राष्ट्र बैंकले लघुवित्त वित्तीय संस्थाहरुमा लगाइएको १५ प्रतिशतको क्याप हटाउँदै आधार दर (बेस रेट) लागु गर्ने जनाएको हो ।

राष्ट्र बैंकले सार्वजनिक गरेको मौद्रिक नीतिको समिक्षाका अनुसार लघुवित्त संस्थाहरुले आगामी माघदेखि अनिवार्य रुपमा बेसरेट प्रकाशित गर्नुपर्ने व्यवस्था गरेको छ ।

हाल लघुवित्त संस्थाले कर्जामा अधिकतम १५ प्रतिशतको क्याप लगाएको छ । उक्त ब्याजदर कयापदले लघुवित्त संस्था घाटामा गएको भन्दै बेसरेट लाघु गरि प्रिमियम तोक्नुपर्ने माग लघुवित्तकर्मीहरुले गर्दै आएका थिए ।