काठमाडौं । क्रियापुत्री बसेका पाँच दाजुभाईले मतदान गरेका छन् । मतदानको दिन ओखलढुंगामा भोट दिनका लागि मतदान केन्द्रमा पुगेका उनीहरुले प्रदेश तथा प्रतिनिधि सभा सदस्यका उम्मेदवारहरुलाई भोट दिएका हुन् ।
क्रियापुत्री बसेका उनीहरुले मतदान गरेर राष्ट्रप्रतिको आफ्नो जिम्मेवारी पुरा गरेको बताएका छन् । जीवनको सबैभन्दा दुखद क्षणमा पनि मतदान गर्नका लागि मतदानस्थलमा पुगेका उनीहरुले आफ्नो मतले आगामी पाँच वर्षका लागि देशको भविष्य निर्धारण गर्ने बताएका छन् ।
मतदानको दिन देशभरका विभिन्न मतदानस्थलमा भोट हाल्नेहरुको भिड लागेको छ । त्यसमा पनि अझ देशबासीको मुख्य ध्यानाकर्षणमा झापा, डडेल्धुरा, चितवन, गोरखा र नवलपरासी लगायतका जिल्ला परेका छन् ।
