काठमाडौं । नेपाल इन्भेष्टमेन्ट बैंक लिमिटेडले सेयरधनीलाई ११ प्रतिशत लाभांश वितरण गर्ने भएको छ । बैंकले गत वर्षको मुनाफाबाट ११ प्रतिशत लाभांश वितरण गर्ने घोषणा गरेको हो ।
बैंकले हाल कायम चुक्तापूँजीको ४ प्रतिशतका दरले बोनस शेयर र सोको कर प्रयोजनार्थ सहित ७ प्रतिशत नगद लाभांश गरी कुल ११ प्रतिशत लाभांश वितरण गर्ने घोषणा गरेको हो । कात्तिक २९ गते बसेको बैंकको सञ्चालक समितिको बैठकले सो दरमा लाभांश वितरण गर्ने निर्णय गरेको हो ।
बैंकले प्रस्ताव गरेको सो लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेप्रश्चात सेयरधनीलाई वितरण गरिनेछ ।
