काठमाडौं । साताको कारोबारको तेश्रो दिन मंगलबार नेप्से परिसूचक घटेको छ । सोमबारको तुलनामा नेप्से परिसूचक २.५७ अंकले घटेर १९५६.३६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २२६ कम्पनीको २७ लाख ७३ हजार ७ सय ३७ कित्ता सेयर खरिद बिक्री हुँदा १ अर्ब ०५ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ८ करोड ५७ लाख ३२ हजार १ सय २२ रुपैयाँ ६० पैसा बराबरको सेयर कारोबार भएको हो ।

यसैगरी मंगलबारको सेयर बजारमा लाइफ इन्स्योरेन्स कर्पोरेशनका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ४ प्रतिशत भन्दा धेरैले बढेको हो । यस अलावा गुराँस लघुवित्त वित्तिय संस्था, नेपाल रिइन्स्योरेन्स कम्पनी, बलेफी हाइड्रोपावर, स्वेत-गंगा हाइड्रोपावर एण्ड कन्स्ट्रक्सन, गरिमा डेबेन्चर २०८५ र नेपाल फाइनान्स लिमिटेडका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच मंगलबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ८ करोड ५७ लाख ३२ हजार १ सय २२ रुपैयाँ ६० पैसा बराबरको सेयर कारोबार भएको हो । यस अलावा सिटिजन्स बैंक इन्टरनेसनल, जाल्पा सामुदायिक लघुवित्त वित्तिय संस्था, रिडी पावर कम्पनी, नेपाल रिइन्स्योरेन्स कम्पनी र नेस्डो सम्बृद्ध लघुवित्त वित्तिय संस्थाको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः

यस्तै मंगलबारको सेयर बजारमा कालिका लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ५ प्रतिशत भन्दा धेरैले घटेको हो । कालिका लघुवित्तको सेयरमा यस्तो गिरावट आउँदा मन्दाकिनी हाइड्रोपावर, मनकामना स्मार्ट लघुवित्त वित्तिय संस्था, सिटिजन्स म्युचुअल फण्ड-१, ११% एनआइसी एशिया डेबेन्चर ०८२/८३ र मानुषी लघुवित्त वित्तिय संस्थामा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः