काठमाडौं । साताको कारोबारको चौथो दिन बुधबार नेप्से परिसूचक घटेको छ । मंगलबारको तुलनामा नेप्से परिसूचक ३.५१ अंकले घटेर १९४९.८५ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २३८ कम्पनीको २३ लाख ५५ हजार ८ सय ४५ कित्ता सेयर खरिद बिक्री हुँदा ८४ करोडमाथिको सेयर कारोबार भएको छ । आज पनि सबैभन्दा बढी कारोबार हिमालयन डिष्ट्रिलरी लिमिटेडको भएको छ । यस कम्पनीको ४ करोड ७९ लाख ३४ हजार ३ सय ८२ रुपैयाँ बराबरको सेयर कारोबार भएको हो ।
यसैगरी बुधबारको सेयर बजारमा ग्रिनलाइफ हाइड्रोपावर लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ४ प्रतिशत भन्दा धेरैले बढेको हो । यस अलावा खप्तड लघुवित्त वित्तिय संस्था, रुरु जलविद्युत परियोजना, बुद्धभुमि नेपाल हाइड्रोपावर, स्वेत-गंगा हाइड्रोपावर र डिप्रोक्स लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच बुधबारको सेयर बजारमा सबैभन्दा बढी कारोबार हिमालयन डिष्ट्रिलरी लिमिटेडको भएको छ । यस कम्पनीको ४ करोड ७९ लाख ३४ हजार ३ सय ८२ रुपैयाँ बराबरको सेयर कारोबार भएको हो । यस अलावा नबिल बैंक लिमिटेड, नेस्डो सम्बृद्ध लघुवित्त वित्तिय संस्था, शिवम् सिमेन्ट, नेपाल इन्भेस्टमेन्ट बैंक लिमिटेड प्रमोटर सेयर र सिभिल बैंक लिमिटेडको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः
यस्तै बुधबारको सेयर बजारमा लक्ष्मी इक्वटि फण्डका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ५ प्रतिशत भन्दा धेरैले घटेको हो । लक्ष्मी इक्वटिको सेयरमा यस्तो गिरावट आउँदा विन नेपाल लघुवित्त वित्तिय संस्था, गुहेश्वरी मर्चेन्ट बैंक, आरबिबि म्युचुअल फण्ड-१, युनाईटेड इन्स्योरेन्स कम्पनी र युनाइटेड मोदी हाइड्रोपावरमा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः
