काठमाडौं । काठमाडौंको थापाथलीस्थित बागमती किनारमा रहेको सुकुम्बासी बस्ती हटाउन पुगेको महानगरको टोलीमाथि स्थानीयले आक्रमण गरेका छन् । वैकल्पिक व्यवस्थाबिनै विस्थापित गर्न खोजको भन्दै स्थानीयले ढुंगामुढा गरेका हुन् ।
स्थानीयको आक्रमणपछि सुकुम्बासी बस्तीमा तनाव सृजना भएको छ । घरेलु हतियारसहित प्रदर्शनमा उत्रिएका सुकुम्बासीबस्तीका स्थानीयले गृहमन्त्री एवं महानगरका मेयरविरुद्ध चर्को नारावाजी गरिरहेका छन् । स्थानीयको आक्रमणबाट महानगरका कर्मचारी घाइतेसमेत भएका छन् ।
एकीकृत बागमती सभ्यता विकास समितिले ४ मंसिर (चुनावकै दिन)सम्म अन्तिम म्याद राखेर बस्ती खाली गर्न सूचना जारी गरेको थियो । समितिले सूचना जारी गर्दै नदी किनारामा अनाधिकृत रूपमा निर्माण भएका घरटहरा तथा निर्माण सामग्री र सवारी साधनहरू हटाउन ४ मंसिरसम्मको समयसीमा दिएको थियो ।
