ललितपुर । राष्ट्रिय स्वतन्त्र पार्टीकी डा.तोसिमा कार्की प्रतिनिधि सभा सदस्यमा निर्वाचित भएकी छिन् । कार्कीले आफ्ना प्रतिस्पर्धीलाई भारी मतले पछि पार्दै ललितपुर निर्वाचन क्षेत्र नम्बर ३ बाट विजयी भएकी हुन् ।
मतगणनाको अन्तिम मत परिणाम अनुसार कार्कीले ३१ हजार १३६ मतसहित आफ्नो जित सुनिश्चित गरेकी छिन् । त्यस्तै, उनको निकटतम प्रतिद्वन्द्वीका रुपमा रहेका एकालेका अमृत खड्काले १२ हजार ९३६ मत प्राप्त गरेका छन् ।
यता उर्जामन्त्रीसमेत रहेकी माओवादी केन्द्रकी पम्फा भुसालले ८ हजार ७६९ मत मात्रै पाएकी छिन् । तोसिमा र पम्फाबीचको मतान्तर २२ हजार बढीको रहेको छ । भुसालले यसअघि २०७४ को निर्वाचनमा भुसालले यही क्षेत्रबाट चुनाव जितेकी थिइन् ।
