काठमाडौं । युनाइटेड इन्स्योरेन्सले गत आर्थिक वर्षको मुनाफाबाट सेयरधनीलाई ५ प्रतिशत लाभांश वितरण गर्ने भएको छ ।
कम्पनीको शुक्रबार बसेको सञ्चालक समितिको बैठकले गतवर्षको मुनाफाबाट ५ प्रतिशत बोनस सेयर वितरण गर्ने भएको हो । कम्पनीले बोनस सेयरमा लाग्ने कर प्रयोजनका लागि ०.२६३ प्रतिशत लाभांश प्रस्ताव गरेको छ ।
प्रस्तावित बोनस सेयर र नगद लाभांश नियामक नेपाल बीमा प्राधिकरण र कम्पनीको आगामी वार्षिक साधारण सभाबाट अनुमोदन भएपछि सेयरधनीलाई वितरण गरिनेछ ।
