काठमाडौं । आदर्श लघुवित्त वित्तीय संस्थाको सेयर कारोबार फुकुवा भएको छ । डिप्रोक्स लघुवित्तले प्राप्ती गर्ने भएपछि असोज १४ गतेदेखि रोक्का रहेको आदर्श अघुवित्तको कारोबार नेपाल स्टक एक्सचेन्ज (नेप्से)ले फुकुवा गरेको हो ।

‘धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका’ अनुसार आदर्श लघुवित्तले कारोबार फुकुवा गर्न भन्दै मंसिर ११ गते नेप्सेमा पत्र पठाएको थियो । सोही अनुसार लघुवित्तको कारोबार फुकुवा गरिएको नेप्सेले जनाएको छ । कारोबार फुकुवा भएसँगै संस्थाको सेयर बिहीबारदेखि किनबेच गर्न सकिने भएको छ ।

डिप्रोक्स लघुवित्त र आदर्श लघुवित्त वित्तीय संस्थाले असोज १४ गते प्राप्ती सम्बन्धी समझदारी पत्रमा हस्ताक्षर गरेका थिए ।