">
काठमाडौं । नेपाल बैंकर्स संघको अध्यक्षबाट कृषि विकास बैंकका सीईओ अनिल उपाध्याय बाहिरिएसँगै अध्यक्षको जिम्मेवारी एनएमबि बैंकका सीईओ सुनिल केसीले पाएका छन् ।
बैंकर्स संघको उपाध्यक्ष रहेका केसीलाई शुक्रबार बसेको नेपाल बैंकर्स संघको बैठकले कार्यवाहक अध्यक्षको जिम्मेवारी दिएको हो । कृषि विकास बैंकमा उपाध्यायको कार्यकाल सकिएसँगै उनी बैंकर्स संघको अध्यक्षबाट पनि जिम्मेवारबिहीन भएका हुन् ।
बैंकर्स संघमा वाणिज्य बैंकको सीईओ रहँदासम्म मात्रै कार्यकारी भूमिका बस्न पाइने व्यवस्था अनुसार उपाध्याय जिम्मेवारबिहीन भएका हुन् । योसँगै अब एनएमबि बैंकका सीईओ केसीले संघको नेतृत्व गर्ने भएका हुन् ।
