काठमाडौं । नेपालका एक मात्र डलर अर्बपति विनोद चौधरीले श्रीलंकास्थित युनियन बैंक अफ कोलम्बोको ७१ प्रतिशत सेयर खरिद गरेका छन् । पछिल्लो सटही दर अनुसार चौधरीले ४ अर्ब १४ करोड ८९ लाख ७८ हजार नेपाली रुपैयाँमा श्रीलंकास्थित सो बैंकको सो स्वामित्व किनेका हुन् ।
बैंकले श्रीलंकाको कोलोम्बो स्टक एक्सचेन्जलाई यस विषयमा जानकारी गराईसकेको छ । बैंकले त्यहाँको स्टक एक्सचेन्जलाई दिएको जानकारी अनुसार युनियन बैंक अफ कोलम्बोको मेजर सेयर होल्डर कल्चर फाइनान्सियल होल्डिङ्स प्रालि र चौधरीको प्राइभेट इक्विटी फर्म सीजी क्यापिटल पार्टनर ग्लोबल प्रालिबीच स्वामित्त्व हस्तान्तरणको सम्झौता भएको छ । डिसेम्बर १ मा भएको सो सम्झौताको जानकारी कोलोम्बो स्टक एक्सचेन्जलाई डिसेम्बर ११मा गराइएको थियो ।
चौधरीले किनेको युनियन बैंक अफ बैंक कोलम्बो, कोलोम्बो स्टक एक्सचेन्जमा पनि सूचीकृत छ । हाल बैंकको सेयर प्रति कित्ता ८ श्रीलंकन रुपे अर्थात नेपाली २ रुपैयाँ ८७ पैसामा किनबेच हुँदैछ । २०२२ को तेस्रो त्रैमासको तथ्यांक अनुसार बैंकको चुक्ता पूँजी १६ अर्ब ३३ करोड ४७ लाख ८२ हजार श्रीलंकन रुपे छ । पछिल्लो सटही दर अनुसार चौधरीले ४ अर्ब १४ करोड ८९ लाख ७८ हजार नेपाली रुपैयाँमा सो बैंकको स्वामित्व किनेका हुन्।
