काठमाडौं । प्रभु लाइफ इन्स्योरेन्ससँग मर्जर प्रक्रियामा रहेको महालक्ष्मी लाइफ इन्स्योरेन्सको सिईओमा रमेशकुमार भट्टराई पुनः नियुक्त भएका छन् । कम्पनीको शुक्रबार बसेको सञ्चालक समितिको बैठकले भट्टराईलाई आगामी चार वर्षको लागि पुनः कम्पनीको सिईओमा नियुक्त गरेको हो ।
प्रभु लाइफसँगको मर्जरपछि पनि कम्पनीको सिईओ भट्टराई नै रहनेछन् ।
वाणिज्य विषयमा स्नाकोत्तर र कानूनमा स्नातक तह अध्ययन गरेका भट्टराको बीमा तथा बैंकिङ क्षेत्रमा झण्डै चार दशकको कार्य अनुभव छ । भट्टराईले यसअघि महालक्ष्मी फाइनान्स, नेपाल लाइफ इन्स्योरेन्स र एशियन लाईफ इन्स्योरेन्समा सिईओको रुपमा कार्य सम्पादन गरिसकेका छन् । त्यस्तै, उनले महालक्ष्मी विकास बैंक र महालक्ष्मी लाइफमै ४ वर्षसहित २६ वर्षभन्दा बढी अवधि कार्य गरिसकेका छन् ।
भट्टराईले पुनः आगामी चार वर्ष महालक्ष्मी लाइफ इन्स्योरेन्सको सिईओको जिम्मेवारी सम्हाल्नेछन् ।
