">
काठमाडौं । ग्लोबल आईएमई बैंकका वरिष्ट डेपुटी सीईओ महेश ढकाल इन्भेष्टमेन्ट बैंक र मेगा बैंकको मर्जर पछि बन्ने नेपाल इन्भेष्टमेन्ट मेगा बैंकमा सिनियर डेपुटी सिइओ भएर जाने भएका छन् ।
ग्लोबल आईएमईमासमेत सेकेण्ड म्यान रहेका उनी नेपाल इन्भेष्टमेन्ट मेगामा पनि दोश्रो बरियतामा जान लागेका हुन् । सो पदमा मेगाकी रविना देशराज श्रेष्ठलाई लैजाने दुई बैंकबीच सहमती थियो । तर, नयाँ प्रेमीसँगको रमाइलो यात्राका लागि उनले बैंकिङ नै छोडेपछी सो पद खाली थियो ।
सो पदमा मेगा छोडेकी अनुपमा खुन्जेलीलाई समेत ल्याउने चर्चा भए पनि हालको इन्भेष्टमेन्ट बैंकका केही संचालकले नमानेपछि ढकाल नेपाल इन्भेष्टमेन्ट बैंकको सिनियर डेपुटी सिइओ हुने भएका हुन् ।
बैंकको सिनियर डेपुटी सिइओ बनाउन धेरैसँग भएको छलफलपछि अन्ततः ढकालसँग कुरो टुंगीएको हो । ढकालले स्वेच्छिक अवकासका लागि ग्लोबल आईएमई बैंकमा निवेदन समेत दिईसकेका छन् । अर्थात उनी महिनौँको तलब लिएर ग्लोबल छोड्दैछन् भने तुरुन्त अर्को जागिरमा जोडिदैछन् ।
उनी ग्लोबल आइएमई जानू अघि मेगामा तेश्रो बरियतामा थिए भने त्यसअघि उनी टुरिजम डेभलपमेन्ट बैंकका सिइओ थिए । ढकाल चार्टर्ड एकाउन्टेन्टसमेत हुन् । उनी यसअघि लेखा व्यवसायीहरुको नियामक संस्था आइक्यानको पार्षद्समेत भईसकेका छन् ।
