काठमाडौं । नबिल बैंक लिमिटेडले सेयरधनीलाई ३० प्रतिशत लाभांश दिने भएको छ । बैंकको आइतबार बसेको संचालक समितिको बैठकले गतवर्षको मुनाफाबाट ३० प्रतिशत लाभांश दिने घोषणा गरेको हो ।

बैंकले हाल कायम चुक्ता पुँजीको १८.५ प्रतिशत बोनश सेयर र कर प्रयोजनका लागिसमेत ११.५ प्रतिशत नगद लाभांश गरि कुल ३० प्रतिशत लाभांश वितरण गर्ने प्रस्ताव गरेको हो ।

बैंकले सेयरधनीका लागि प्रस्ताव गरेको सो लाभांश नेपाल राष्ट्र बैंकको स्वीकृति  र बैंकको आगामी वार्षिक साधारणसभाले पारित गरेपछि लगानीकर्तालाई वितरण गरिनेछ ।