">
काठमाडौं । नेपाल राष्ट्र बैंकले तोकेको नयाँ स्प्रेड दर आगामी चैतदेखिमात्रै लागु हुने भएको छ । राष्ट्र बैंकले एकीकृत निर्देशन जारी गर्दै तोकिएको नयाँ स्प्रेड दर चैतदेखि लागु गर्ने जनाएको हो ।
नेपाल राष्ट्र बैंकका अनुसार आगामी चैत्र महिनाबाट औसत ब्याजदर अन्तर ‘क’ वर्गका वाणिज्य बैंकहरुको हकमा ४.२ प्रतिशत र ‘ख’ र ‘ग’ वर्गका संस्थाको हकमा ४.८ प्रतिशत भन्दा बढी नहुने व्यवस्था गर्नुपर्नेछ । ‘सो अन्तर २०८० असार महिनाबाट ‘क’ वर्गका वाणिज्य बैंकहरुको हकमा ४ प्रतिशत र ‘ख’ र ‘ग’ वर्गका संस्थाको हकमा ४.६ प्रतिशत भन्दा बढी नहुने गरी व्यवस्था गर्नुपर्नेछ ।’ -राष्ट्र बैंकले जारी गरेको निर्देशनमा उल्लेख गरिएको छ ।
हाल ‘क’ वर्गका वाणिज्य बैंकहरुको हकमा ४.४ प्रतिशत र ‘ख’ र ‘ग’ वर्गका संस्थाको हकमा ५ प्रतिशत स्प्रेडदर कायम रहेको छ ।
