काठमाडौं । नेकपा माओवादी केन्द्रका अध्यष पुष्पकमल दाहाल प्रचण्डले सरकार गठनका लागि राष्ट्रपति समक्ष दाबी पेश गरेका छन् । नेकपा एमाले र माओवादी केन्द्रबीच प्रधानमन्त्री आलोपालोका लागि सहमति भएसँगै प्रचण्डले प्रधानमन्त्रीका लागि दाबी पेश गरेका हुन् ।
माओवादीसहित नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र राष्ट्रिय उन्मुक्ति पार्टीले प्रधानमन्त्रीका लागि प्रचण्डलाई समर्थन दिएका हुन् । योसँगै प्रचण्ड ७ दल र स्वतन्त्रसहित १६९ सांसदको समर्थनसहित मुलुकको ४४औँ प्रधानमन्त्री बन्ने भएका छन् ।
सत्ता गठबन्धमा नेपाली कांग्रेसका सभापति शेरबहादुर देउवासँग कुरा नमिलेपछि बालुवाटारबाट बिच्किएर एमाले अध्यक्ष केपी शर्मा ओलीसँग बार्ताका लागि बालकोट पुगेका प्रचण्डले ७ दल र ३ स्वतन्त्र सांसदको समर्थन पाएका हुन् ।
