">
काठमाडौं । माओवादी केन्द्रका अध्यक्ष पुष्पकमल दाहाल प्रचण्ड तेस्रो पटक प्रधानमन्त्रीमा नियुक्त भएका छन् । आइतबार १६९ सांसदको समर्थनसहित प्रधानमन्त्रीका लागि राष्ट्रपति समक्ष दाबी पेश गरेका प्रचण्डलाई राष्ट्रपति विद्यादेवि भण्डारीले प्रधानमन्त्री नियुक्त गरेकी हुन् ।
योसँगै प्रचण्ड तेस्रोपटक प्रधानमन्त्री बनेका हुन् । उनले सोमबार पद तथा गोपनीयताको शपथ ग्रहण गर्ने भएका छन् । राष्ट्रपति कार्यालयले प्रधानमन्त्रीको शपथ सोमबार साँझ ४ बजे तय गरेको जानकारी दिएको छ ।
माओवादी सहित नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र राष्ट्रिय उन्मुक्ति पार्टीले प्रधानमन्त्रीका लागि प्रचण्डलाई समर्थन दिएका हुन् ।
