काठमाडौं । काठमाडौं क्षेत्र नम्बर १ बाट चुनाव लडेका राष्ट्रिय प्रजातन्त्र पार्टी (राप्रपा)का रविन्द्र मिश्रले प्रतिनिधि सभा सदस्यको निर्वाचनमा भएको खर्चको विवरण सार्वजनिक गरेका छन् । मंगलबार प्रेस विज्ञप्ती जारी गर्दै मिश्रले चुनावी खर्च साढे २४ लाख भएको जानकारी दिएका हुन् ।
मिश्रले चुनावका लागि कुल २४ लाख ४९ हजार ६०७ रुपैयाँ खर्च भएको विवरण मंगलबार निर्वाचन आयोगमा पेश गरेका छन् । यसअघि २०७४ सालको निर्वाचनमा साढे २१ लाख खर्चेका मिश्रको चुनावी खर्च यसपाली २ लाखले बढेको हो । मिश्रले चुनावी खर्चका लागि सार्वजनिक रुपमा आर्थिक सहयोगको अपिल समेत गरेका थिए ।
सोही अनुसार जम्मा भएको कुल ३३ लाखमध्ये बाँकी रहेको ८ लाख रुपैयाँ काठमाडौं क्षेत्र नम्बर १ को सरोकार कोषमा राखिने उनले जानकारी दिएका छन् । प्रतिनिधि सभा सदस्यका लागि चुनाव लडेका मिश्रलाई नेपालि कांग्रेसका प्रकाशमान सिंहले झिनो मतान्तरले पराजित गरेका थिए ।
