काठमाडौं । रिजर्भ बैंक अफ इण्डिया (आरबिआई)ले भारतमा बजारको कारोबार समय बढाउने भएको छ । आरबिआईले कोरोना महामारीमा कारण छोट्याएको बजारको कारोबार समय अब कोरोना संक्रमण घटेसँगै पुनः पुरानै लयमा सुरु गर्ने घोषणा गरेको हो ।

आरबिआईको सो निर्णय १२ डिसेम्बरदेखि लागू हुनेछ । योसँगै कल/नोटिस/टर्म मनी, कमर्सियल पेपर र सर्टिफिकेट्स अफ डिपोजिट्स, कर्पोरेट बण्डमा रिपो र रुपी इन्ट्रेस्ट रेट डेरिभेटिभहरुमा कारोबा समय डेढ घण्टा थप हुने आरबिआईले जानकारी दिएको छ । भारतमा यसअघि कोरोना महामारीका कारण ७ अप्रिल, २०२० मा कारोबार अवधि कटौति गरिएको थियो ।

अव भने डिसेम्बर १२ पछि कल/सूचना/टर्म मनी मार्केट बिहान ९ बजे देखि साँझ ५ बजेसम्म हुनेछ । त्यस्तै, गभरमेन्ट सेक्यूरिटीमा रिपो बजार ९ बजेदेखि दिउँसो २ः३० बजेसम्म, कमर्सियल पेपर र सर्टिफिकेट अफ डिपोजिट्स मार्केटमा ९ बजेदेखि ५ बजेसम्म कारोबार हुने आरबिआईले जनाएको छ ।

आरबिआईकै अनुसार कर्पोरेट बण्ड रिपोको समय पनि बिहान ९ बजेदेखि बेलुका ५ बजेसम्म हुनेछ भने रुपी इन्ट्रेस्ट डेरिभेटिभ, सोमबारदेखि बिहान ९ बजेदेखि साँझ ५ बजेसम्म कारोबार हुनेछ ।