काठमाडौं । नयाँ सरकार गठनसंगै नेप्सेमा लगातार उछाल आएको छ । सरकार गठनको पहिलो दिन ५६.८८ अंकले बढेको नेप्से मंगलबार ५९.८७ अंकले बढेको हो । योसंगै नयाँ सरकार गठनपछिको दुईदिनमा नेप्से ११७ अंकले बढेर १९८३.९५ बिन्दुमा पुगेको छ । पछिल्लो दुईदिनमा आकर्षक बढोत्तरी सहित सेयर बजारमा रौनकता देखिएसंगै लगानीकर्ताहरु उत्साहित बनेका छन् ।
नेपाल स्टक एक्सचेन्ज (नेप्से) का अनुसार मंगलबार कुल २६१ कम्पनीको १ करोड २० लाख २९ हजार ६ सय ३ कित्ता सेयर खरिद बिक्री हुँदा ३ अर्ब ८८ करोडमाथिको सेयर कारोबार भएको छ । आज सबैभन्दा बढी कारोबार लक्ष्मी बैंक लिमिटेडको भएको छ । यस कम्पनीको २० करोड ९४ लाख ९० हजार ५ सय ९ रुपैयाँ बराबरको सेयर कारोबार भएको हो ।
यसैगरी मंगलबारको सेयर बजारमा सिद्धार्थ इन्स्योरेन्सका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा मल्टिपर्पोज फाइनान्स कम्पनी, अजोड इन्स्योरेन्स, सृजनशील लघुवित्त वित्तिय संस्था, धौलागिरी लघुवित्त वित्तिय संस्था र कालिका पावर कम्पनीका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच मंगलबारको सेयर बजारमा सबैभन्दा बढी कारोबार लक्ष्मी बैंक लिमिटेडको भएको छ । यस कम्पनीको २० करोड ९४ लाख ९० हजार ५ सय ९ रुपैयाँ बराबरको सेयर कारोबार भएको हो । यस अलावा नेपाल दूरसंचार कम्पनी, हिमालयन डिष्ट्रिलरी लिमिटेड, नबिल बैंक, एनआइसी एशिया बैंक, अपि पावर कम्पनी र शिवम् सिमेन्टको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यस्तै मंगलबारको सेयर बजारमा आधिखोला लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य २ प्रतिशत भन्दा धेरैले घटेको हो । आधिखोलाको सेयरमा यस्तो गिरावट आउँदा मिर्मिरे लघुवित्त वित्तिय संस्था, १०.५ % नेपाल इन्भेस्टमेन्ट डेबेञ्चर २०८२, नबिल ब्यालेन्स फण्ड-२, सीवाईसी नेपाल लघुवित्त र गरिमा देबेञ्चर २०८५ मा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
