काठमाडौं । माघ १ गते (आइतबार)देखि लागु हुनेगरी वाणिज्य बैंकहरुले ब्याजदर घटाएसँगै विकास बैंक र फाइनान्स कम्पनीहरुले पनि ब्याजदर घटाएका छन् ।

यसअघि ब्याजदर घटाउने बैंकर्स संघले निर्णय गरेलगत्तै डेभलपमेन्ट बैंकर्स एशोसियसनले पनि ब्याज घटाउने निर्णय गरेको थियो । सोही अनुसार माघ १ गतेदेखि लागु हुनेगरी विकास बैंकहरुले मुद्धती निक्षेपको ब्याजदर पुस महिनाको भन्दा ०.८५ प्रतिशतले घटाएका छन् ।

योसँगै विकास बैंकहरुले माघ महिनाको लागि एक वर्षे व्यक्तिगत मुद्धती निक्षेपको ब्याजदर १२ प्रतिशत कायम गरेका छन् ।

त्यस्तै, अधिकांश फाइनान्स कम्पनीहरुले पनि ब्याजदर घटाएका छन् । पुस महिनामा साढे १३ प्रतिशत ब्याजदर दिँदै आएका फाइनान्स कम्पनीहरुले ब्याजदर घटाएका हुन् ।