काठमाडौं । निवर्तमान गृहमन्त्री रवि लामिछानेलाई तुरुन्त गृहमन्त्री पदमा बहाली गर्न एमाले अध्यक्ष केपी शर्मा ओलीले दबाब दिएका छन् ।

नागरिकता विवादका कारण गृहमन्त्री पद गुमाएका लामिछानेले पुनः नेपाली नागरिकताको प्रमाणपत्र लिएसँगै उनैलाई गृहमन्त्रीमा बहाली गर्न ओलीले दबाब दिएको प्रचण्ड निकट स्रोतले बताएको छ ।

‘एमाले अध्यक्ष ओली ज्युले फोन गरेर प्रधानमन्त्री ज्युलाई रविलाई नै गृहमन्त्री बनाउन सुझा दिनुभएको हो’, स्रोतले भन्यो, ‘उत्तरमा प्रधानमन्त्री ज्युले केही भन्नु भएन, तर उहाँको आशय रविलाई गृहमन्त्री नबनाउने छ ।’

स्रोतका अनुसार प्रधानमन्त्री पुष्पकमल दाहाल (प्रचण्ड) आफ्नै पार्टीबाटै नयाँ गृहमन्त्री बनाउने पक्षमा देखिएका छन् । नागरिकता विवादका कारण रविले गृहमन्त्री गुमाएपछि प्रधानमन्त्रीले गृहमन्त्रालय आफैसँग राखेका छन् ।