">
काठमाडौं । हिमालयन बैंकको ३०औँ वार्षिक साधारणसभाले सिभिल बैंकलाई प्राप्ति गर्ने प्रस्ताव पारित गरेको छ । पुस २८ गते सम्पन्न बैंकको साधारणसभाले १००ः८०.२८ स्वाप रेसियोमा प्राप्ति गर्नेगरी मर्जर सम्बन्धी प्रस्ताव पारित गरेको हो ।
यो सँगै अब सिभिल बैंकको १०० कित्ता सेयर हुने सेयरधनीहरुले हिमालय बैंकको ८०.२७ कित्ता सेयर पाउनेछन् ।
हिमालयन बैंकका अनुसार साधारणसभाले सिभिल बैंकलाई प्राप्ति गर्ने प्रस्ताव सर्वसम्मतले पारित गरेको हो । यो सँगै साधारणसभाले गत आर्थिक वर्षको नाफाबाट सेयरधनीलाई ८ प्रतिशत बोनस सेयर र कर प्रयोजनका लागि ११.११ प्रतिशत नगद लाभांश गरी कुल १९.११ प्रतिशत लाभांश दिने प्रस्ताव पनि पारित गरेको बैंकले जनाएको छ ।
त्यस्तै, साधारणसभाले बैंकको सञ्चालक समितिमा सर्वसाधारण सेयरधनीका तर्फबाट विजयबहादुर श्रेष्ठलाई निर्विरोध चयन गरेको छ ।
