काठमाडौं । नेपाल स्टक एक्सचेन्ज (नेप्से)ले नेशनल माइक्रोफाइनान्स लघुवित्त वित्तीय संस्थाको सेयर कारोबार रोक्का गरेको छ । सोमबार एक पत्र जारी गर्दै नेप्सेले कम्पनीको सेयर कारोकार रोक्का गरेको जनाएको हो ।
कारोबार समयमा लाभांशसम्बन्धि जानकारी गराएपछि नेप्सेले कम्पनीको कारोबार रोक्का गर्दै स्पष्टिकरण सोधेको छ । कम्पनीको सञ्चालक समितिको बैठकले ९ माघमा लाभांश दिने घोषणा गरेको थियो । तर, लाभांशको जानकारी भने दोस्रो बजारमा कारोबार सुरु भईसकेपछि ११ः४० मा दिएको भन्दै नेप्सेले कारोबार रोक्का गरेको हो ।
धितोपत्र सूचीकरण विनियमावली, २०७५ को विनियम २२ (१)मा भएको व्यवस्था बमोजिम धितोपत्र मूल्यमा प्रभाव पानै सूचना, जानकारी तथा निर्णय सम्बन्धित सूचीकृत संगठित संस्थाले नेप्सेमा पेश गर्नुपर्ने छ भन्ने व्यवस्था रहेकोले उक्त विनियममा भएको व्यवस्था पालना नगरेकोले विनियममा भएको व्यवस्था अनुसार धितोपत्र कारोबार रोक्का गरिएको साथै यो पत्र प्राप्त भएको मितिले ३ दिनभित्रमा स्पष्टिकरण पेश गर्न अनुरोध छ ।’ -नेप्सेको पत्रमा उल्लेख गरिएको छ ।
