">
काठमाडौं । अन्तत: व्यवसायीको राजनीतिक लविङका अगाडी राष्ट्र बैंकले घुंडा टेकेको छ । व्यवसायीले राजनीतिक लविङ गरेपछि चालुपूँजी कर्जा सम्बन्धि मार्गदर्शन संसोधन गरेर राष्ट्र बैंकले व्यवसायीको लविङ अगाडी घुँडा टेकेको हो । बुधबार पत्रकार सम्मेलन आयोजना गर्दै राष्ट्र बैंकले चालु पुँजी कर्जासम्बन्धी मार्गदर्शन संशोधन भएको जानकारी गराएको हो ।
राष्ट्र बैंकले सीमाभन्दा बढी कर्जा लिएका व्यवसायीहरुले २०८२ असारसम्ममा पाँचवटा किस्तामा कर्जा भुक्तानी गर्न सक्ने गरी मार्गदर्शन संशोधन गरेको छ । जवकी २०८२ सालमा अरु नै कोहि गभर्नर बनेर आउनेछन् र यो कर्जा निर्देशिका अव कहिल्यै पनि लागु नहुने देखिएको छ ।
व्यवसायीहरुले जसो जसो भने, त्यसै अनुसार राष्ट्र बैंकले सो निर्देशिका संसोधन गरेको छ ।
उक्त मार्गदर्शन राष्ट्र बैंकले कात्तिक १ गतेदेखि कार्यान्वयनमा आएको थियो । अर्थमन्त्री जनार्दन शर्मा हुँदा १ अक्षर पनि परिवर्तन गर्न नमानेको राष्ट्र बैंक अन्तत युटर्न भएको छ ।
के के भए मुख्य परिवर्तन ?
१. रु.१ करोड सम्मको चालूपुँजी कर्जामा कारोबार वा बिक्रीको २०% वा ४०% को अधिकतम सिमा नलाग्ने । बैक तथा बित्तीय संस्थाहरुले आफ्नो कर्जा नीतिको अधीनमा रही प्रवाह गर्न सक्ने।
