आइतबार । पोखरामा भएको यति एयरको विमान दुर्घटनाको छानबिन गर्न गठित ‘विमान दुर्घटना जाँच आयोग’ले विमानको ‘ब्ल्याक बस्क’ फेला पारेको छ ।
सोमबारदेखि छानबिनको काम सुरु गरेको आयोगले विमानको ‘ब्ल्याक बक्स’ हात पारेको हो । विमान दुर्घटनाको कारण पत्ता लगाउन ‘ब्ल्याक बक्स’को भूमिका महत्वपूर्ण रहने नेपाल नागरिक उड्डयन प्राधिकरण (क्यान)का प्रवक्ता जगन्नाथ निरौलाले बताएका छन् ।
क्यानका प्रवक्ता निरौलाका अनुसार ‘ब्ल्याक बक्स’मा ‘फ्लाइट राडर रेकर्ड’ र ‘ककपिट भ्वाइस रेकर्ड’ हुन्छ । ककपिटमा पाइलटबीच भएको सम्पूर्ण कुराकानी ‘ब्ल्याक बक्स’मा रेकर्ड रहने भएकाले दुर्घटनाको कारण पत्ता लगाउन ‘ब्ल्याक बक्स’ महत्वपूर्ण मानिने निरौलाको भनाई छ ।
आइतबार भएको विमान दुर्घटनाको छानविन गर्न सरकारले पाँच सदस्यीय जाँच आयोग गठन गरेको थियो । जसको संयोजन पूर्व सचिव नागेन्द्र घिमिरेले गरेका छन् ।
