काठमाडौं । पोखरामा भएको विमान दुर्घटनाबारे विवरण लिन प्रधानमन्त्री पुष्पकमल दाहाल (प्रचण्ड)सहित उपप्रधान तथा गृहमन्त्री रवि लामिछाने त्रिभुवन अन्तराष्ट्रिय विमानस्थल पुगेका छन् ।

आइतबार बिहान चालक दलका चारजनासहित ६८ जना यात्रु बोकेर पोखराका लागि उडेको यति एयरलाइन्सको जहाज दुर्घटनामा परेको थियो । सोही दुर्घटनाको अपडेट लिन प्रधानमन्त्री प्रचण्ड र गृहमन्त्री लामिछाने विमानस्थलको कन्ट्रोल रुममा पुगेका हुन् ।

कन्ट्रोल रुमबाट दुर्घटनाको अपडेल लिँदै प्रधानमन्त्री र गृहमन्त्री दुवैले उद्धार कार्य चुस्त र दुरुस्त बनाउन समेत निर्देशन दिईसकेका छन् ।