काठमाडौँ । प्रधानमन्त्री पुष्पकमल दाहालले अर्थतन्त्र गतिशील बनाउन सरकार प्रतिबद्ध रहेको बताएका छन् ।
ग्लोबल आईएमई बैंक र बैंक अफ काठमाण्डुबीचको एकिकृत कारोबार सुभारम्भमा बोल्दै उनले यस्तो बताएका हुन् । उनले सरकार देशको अर्थतन्त्रप्रति गम्भीर भएकै कारण मन्त्रीपरिषदको पहिलो निर्णयमा नै अर्थतन्त्रसम्बन्धि निर्णय गरेको दाबी गरेका छन् ।
उनले आफु गभर्नरसँग आफु निरन्तर छलफलमा रहेकोसमेत दाबी गरे । उनले बैंकका अध्यक्ष चन्द्र ढकाल र आफ्नो राजनीतिक जीवन उस्तै उस्तै रहेकोसमेत बताएका छन् ।
देशकै सबैभन्दा ठुलो बैंक बन्न सफल ग्लोबल आईएमई बैंकले हालसम्म कुल २१ वटा बैंक तथा वित्तीय संस्थाहरु आफुमा गाभिसकेको छ । जसमा ५ वटा वाणिज्य बैंक, १० वटा विकास बैंक तथा ६ वटा फाइनान्स कम्पनी छन्।
बैंक अफ काठमाण्डुसँगको मर्जरपछि बैंकको बैंकको कूल पुँजी ५७ अर्ब पुगेको छ भने चुक्ता पुँजी ३५.७७ अर्ब, कूल निक्षेप ४०० अर्ब र कूल कर्जा ३७९ अर्ब भन्दा बढी भएको छ । यसको अर्थ, ग्लोबल आईएमई बैंक अव देशकै सबैभन्दा ठुलो बैंक बनेको छ ।
नयाँ बैंकको सञ्चालक समितिमा ग्लोबल आइएमईका तर्फबाट अध्यक्ष चन्द्रप्रसाद ढकालसहित ५ जना र बैंक अफ काठमाण्डूका तर्फबाट २ जना रहनेछन् । सीइओका रुपमा रत्नराज बज्राचार्यले बैंकको नेतृत्व लिनेछन् ।
दुई बैंकहरुको मर्जर पश्चात् कूल ३६५ शाखा कार्यालय, ३६७ एटीएम, २८६ शाखारहित बैंकिङ सेवा, ६१ विस्तारित शाखा कार्यालयहरु, ३ वटा विदेशस्थित सम्पर्क कार्यालय, ४० लाखभन्दा बढी ग्राहक हुनेछन् ।
