काठमाडौं । काठमाडौं महानगरपालिकाका मेयर बालेन्द्र शाह (बालेन) र प्रधानमन्त्री पुष्पकमल दाहाल प्रचण्डबीच भेटवार्ता भएको छ । सोमबार महानगरमा विकास निर्माणको कामलाई गति दिने विषयमा प्रधानमन्त्री दाहाल र मेयर शाहबीच भेटवार्ता भएको हो ।
भेटवार्ताका क्रममा मेयर शाहले प्रधानमन्त्रीसमक्ष महानगरको विकाससम्बन्धी प्रस्ताव राखेका थिए ।
काठमाडौँ महानगरलाई सफा, सुन्दर र आकर्षक बनाउने तथा विकासको निर्माणको कामलाई गति दिने मेयर शाहको प्रस्वावमा प्रधानमन्त्री प्रचण्ड सकारात्मक रहेको प्रधानमन्त्री निकट एक नेताले बताएका छन् ।
भेटवार्ताका क्रममा प्रधानमन्त्री दाहालले महानगरको काम कारबाहीको बारेमा चासो समेत व्यक्त गरेका थिए ।
