काठमाडौँ । रवि लामिछानेले केहि दिनभित्रै प्रक्रिया पुर्याएर नागरिकता लिई पुन: चितवनमा हुने उपनिर्वाचन लड्ने भएका छन् । रविको सांसद पद खारेज भएसँगै चितवनमा हुने उप निर्वाचनमा नियमानुसार नागरिकता लिएर लामिछाने नै पुन: चितवनबाट निर्वाचन लड्ने भएका हुन् । रास्वपाका एक नेताले बताए अनुसार आकस्मिक रुपमा भएको सल्लाह अनुसार रवि लामिछाने पुन: चितवनबाटै निर्वाचन लड्ने भएका हुन् ।

पूरानो नागरिकता हाललाई कायम नरहेको फैसला अदालतले सुनाएसँगै लामिछानेको संसद पद खारेज भएको छ ।

कामू प्रधानन्यायाधीश हरिकृष्ण कार्की सहित न्यायाधीशहरु विश्वम्भरप्रसाद श्रेष्ठ, संवैधानिक इजलासको यो फैसलासँग गृहमन्त्री लामिछानेको चितवन–२ को सांसद पद रिक्त भएको छ । अव त्यहाँ पुन: निर्वाचन हुनेछ ।  उनी उपप्रधान तथा गृहमन्त्रीबाट समेत पदमुक्त भएका छन् ।

लामिछानेले यसअघि नै अमेरिकाको नागरिकताको प्रमाणपत्र त्यागिसकेकाले तत्काल जिल्ला प्रशासन कार्यालय, काठमाडौंमा गएर नेपाली नागरिकताको प्रमाणपत्र लिने बाटो कायम छ ।