काठमाडौं । साताको कारोबारको तेश्रो दिन मंगलबार सेयर बजारमा दोहोरो अंकको करेक्शन देखिएको छ । सोमबारको तुलनामा नेप्से परिसूचक २१.३४ अंकले घटेर २१९०.४२ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २५४ कम्पनीको २ करोड ८ लाख ४३ हजार ९ सय ५२ कित्ता सेयर खरिद बिक्री हुँदा ७ अर्ब ६५ करोडमाथिको सेयर कारोबार भएको हो । आज सबैभन्दा बढी कारोबार ङ्गादि ग्रुप पावरको भएको छ । यस कम्पनीको २१ करोड २१ लाख १ हजार ४ सय ३६ रुपैयाँ ६० पैसा बराबरको सेयर कारोबार भएको हो ।

यसैगरी मंगलबारको सेयर बजारमा बाराही हाइड्रोपावरका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको हो । यस अलावा सिङ्गति हाइड्रो, विन नेपाल लघुवित्त, खानीखोला हाइड्रोपावर, बरुण हाइड्रोपावर, सानिमा इक्वटि फण्ड र ग्रिन डेभलपमेन्ट बैंकका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच मंगलबारको सेयर बजारमा सबैभन्दा बढी कारोबार ङ्गादि ग्रुप पावरको भएको छ । यस कम्पनीको २१ करोड २१ लाख १ हजार ४ सय ३६ रुपैयाँ ६० पैसा बराबरको सेयर कारोबार भएको हो । यस अलावा अपि पावर कम्पनी, रिडी पावर कम्पनी, एनआइसी एशिया बैंक, शिवम् सिमेन्ट, अपर तामाकोशी हाइड्रोपावर र युनिभर्सल पावर कम्पनीको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः

यस्तै मंगलबारको सेयर बजारमा तारागाउँ रिजेन्सी होटलका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ८ प्रतिशत भन्दा धेरैले घटेको हो । तारागाउँको सेयरमा यस्तो गिरावट आउँदा बुद्धभूमि नेपाल हाइड्रोपावर, रिभर फल्स पावर लिमिटेड, पोखरा फाइनान्स, सयपत्री हाइड्रोपावर र धौलागिरी लघुवित्त वित्तिय संस्थामा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः