काठमाडौं । साताको कारोबारको दोश्रो दिन मंगलबार सेयर बजार बढेको छ । सोमबारको तुलनामा नेप्से परिसूचक ८.१५ अंकले बढेर २१७३.२५ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २४८ कम्पनीको ८३ लाख १ सय ८७ कित्ता सेयर खरिद बिक्री हुँदा ३ अर्ब ३२ लाखमाथिको सेयर कारोबार भएको हो । आज सबैभन्दा बढी कारोबार नेपाल दूरसंचार कम्पनी लिमिटेडको भएको छ । यस कम्पनीको १२ करोड ९१ लाख ७ हजार ३ सय ९६ रुपैयाँ बराबरको सेयर कारोबार भएको हो ।
यसैगरी मंगलबारको सेयर बजारमा सानिमा जीआइसी इन्स्योरेन्सका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सुर्यदय वोमी लघुवित्त वित्तिय संस्था, शिव श्री हाइड्रोपावर, गुहेश्वरी मर्चेन्ट बैंक, मल्टिपर्पोज फाइनान्स र आदर्श लघुवित्तका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच मंगलबारको सेयर बजारमा सबैभन्दा बढी कारोबार नेपाल दूरसंचार कम्पनी लिमिटेडको भएको छ । यस कम्पनीको १२ करोड ९१ लाख ७ हजार ३ सय ९६ रुपैयाँ बराबरको सेयर कारोबार भएको हो । यस अलावा शिव श्री हाइड्रोपावर, अपि पावर कम्पनी, अपर तामाकोशी हाइड्रोपावर र एनआइसी एशिया बैंकको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यस्तै मंगलबारको सेयर बजारमा मैलुंग खोला जल विद्युत आयोजनाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । मैलुंग खोलाको सेयरमा यस्तो गिरावट आउँदा एनएमबि हाइब्रिड फण्ड एल-१, ग्लोबल आइएमइ ब्यालेन्स फण्ड-१, सिटिजन्स म्युचुअल फण्ड २ र कर्पोरेट डेभलपमेन्ट बैंकमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
