">
काठमाडौं । नेत्र विक्रम चन्द विप्लप नेतृत्वको नेपाल कम्युनिष्ट पार्टीले बैंकको चर्को ब्याजदरको विरोधमा देशव्यापी प्रदर्शन गर्ने भएको छ ।
बुधबार केन्द्रीय समिति बैठकको निर्णय सार्वजनिक गर्दै महंगी र चर्को ब्याजदरको विरोधमा फागुन ५ र १५ गते देशव्यापी विरोध प्रदर्शन गर्ने पार्टीका प्रवक्ता खड्गबहादुर विश्वकर्माले बताएका छन् ।
पार्टीले जन आधारित पार्टी र जन आधारित नेता कार्यकर्ता भन्ने नीति अनुरुप बैंक विरुद्ध प्रदर्शन गर्न लागेको विश्वकर्माको भनाई छ ।
‘हाम्रो पार्टी जनताको दुःखमा साथ दिने पार्टी हो र अहिले चर्को ब्याजदरको बाहनामा बैंक तथा वित्तीय संस्थाहरुले जनतालाई साह्रै दुःख दिईरहेका छन्’, उनले भने, ‘निर्धारित कार्यक्रम अनुसार ५ गते मिटरब्याज र बैंक तथा वित्तीय संस्था विरुद्ध प्रदर्शन गछौँ भने १५ गते चर्को महंगीविरुद्ध प्रदर्शन गर्छौं ।’
योसँगै क्रमिक रुपमा आन्दोलनका कार्यक्रम सशक्त बनाउँदै लैजाले विश्वकर्माले बताएका छन् ।
