">
काठमाडौं । कृषि विकास बैंकको प्रमुख कार्यकारी अधिकृत पदका लागि ५ जनाको नाम छनोट भएको छ । बाणिज्य बैंकहरुमध्ये सार्है कम तलव दिने बैंकहरुमध्ये एक भए पनि राजनीतिक पहुँच हुने र नदेखिनेगरी घुस खान पनि सजिलो ठाउँ भएकाले कृषिको सिइओका लागि थुप्रैले मरिहत्ते गरेका थिए । अन्ततः छनोट समितिले ५ जनाको नाम सिफारिस गरेको छ ।
सर्टलिस्टको पहिलो नम्बरमा गोविन्द गुरुङ छन् । हाल उनी विदेशी बैंकमा कार्यरत छन् । सिभिलमा रहँदा पनि सार्है कमजोर पर्फर्मेन्स देखाएका उनी कृषिमा छनोट नभएको खण्डमा नेपालमा कुनै पनि बैंकको सिइओ तत्कालै हुन सक्ने स्थिति छैन ।
दोस्रो नम्बरका प्रताव सुवेदी कृषिमै कार्यरत छन् । तर, बैंकका तल्लो तहदेखि माथिल्लो तह सम्मकाले उनी सिइओ नभईदिए हुन्थ्यो भन्ने चाहेका छन् । उनीविरुद्ध बैंककै अध्यक्षविरुद्ध हात धोएर लागेको र गलत प्रचारबाजी गरिरहेको आरोप पनि छ ।
शर्ट लिस्टको तेस्रो नम्बरमा यज्ञप्रकास न्यौपाने छन् भने सिइओको रेसमा सबैभन्दा योग्य व्यक्तिका रुपमा चर्चा गरिएका बद्रि गुरागाईं र विष्णुदेव यादव पनि सर्टलिस्टमा परेका छन् । गुरागाईँ चार्टर्ड एकाउन्टेन्ट हुन् ।
