काठमाडौँ । नेपाल धितोपत्र बोर्डले आज (सोमबार) दिउँसो पत्रकार सम्मेलन गर्ने भएको छ । धितोपत्र बोर्डले गरिरहेका कामकारवाहीहरुबारे थप जानकारी दिन र सम्बन्धित निकाय र सरोकारवालाहरुसँगको छलफल मिडियासमक्ष ल्याउन बोर्डले दिउँसो ३:३० बजे पत्रकार सम्मेलन गर्न लागेको हो ।
पत्रकार सम्मेलनमा धितोपत्र बोर्डले गरिरहेका कामकारवाहीका बारेमा संचारकर्मीको प्रश्न लिने र सोको जवाफ दिने कार्यक्रम छ । त्यसअगाडी धितोपत्र बोर्डले आफुले गरिरहेको कामका विषयमा विस्तृत जानकारी दिने कार्यक्रम छ ।
कार्यक्रम ललितपुरस्थित केएमसी कलेजमा हुन लागेको हो । होटलमा बढी खर्च हुने भएकाले कलेजसँग सहयोग मागेर कलेजमा कार्यक्रम गर्न लागिएको बोर्डले जनाएको छ ।
