काठमाडौं । एशियन क्यापिटलले सेयर बजार सम्बन्धि निःशुल्क आधारभूत तालिम सञ्चालन गर्ने भएको छ । काठमाडौंको न्यु प्लाजास्थित सो क्यापिटलले सेयर लगानीकर्तालाई लक्षित गर्दै निःशुल्क तालिम सञ्चालन गर्ने भएको हो ।
पछिल्लो समय सेयर बजारप्रति बढ्दै गएको आकर्षण र आवश्यकतालाई ध्यानमा राख्दै तालिम सञ्चालन गर्न लागेको क्यापिटलले जनाएको छ । क्यापिटलका अनुसार तालिममा सेयर बजारको आधारभूत विषयवस्तुलाई प्राथामिकता दिइनेछ । तालिममा सहभागी हुनेहरुको निःशुल्क डिम्याट खाता खोलिनेसमेत क्यापिटलले जनाएको छ ।
तालिम यही चैत्र २४ गते (शुक्रबार) न्यू प्लाजा, काठमाडौंमा बिहान ११ बजेदेखि आयोजना हुनेछ । तालिमका लागि क्यापिटलको सम्पर्क नम्बर ०१–४५१८६६४, ०१–४५१६५०४ र ९८४७६०२६३ मा फोन गरेर रजिष्ट्रेशन गर्न सकिने क्यापिटलले जनाएको छ ।
