काठमाडौँ । न्याय माग्दै प्रधानमन्त्री निवास हिँडेका मिटरब्याजी पीडितलाई प्रहरीले टंगालमै रोकेको छ । महोत्तरीदेखि काठमाडौंसम्म हिँडेरै पुगेका मिटरब्याजी पीडितहरुलाई मंगलबार प्रहरीले प्रधानमन्त्री निवास जान प्रतिबन्ध गरेको हो ।
बालुवाटार हिँडेका मिटरब्याजी पीडितलाई प्रहरीले टंगालमै रोकेपछि उनीहरुले टंगालमै धर्ना दिएका थिए । ‘मिटरब्याजीलाई कारबाही गर’, ‘मिटरब्याजीको अवैध सम्पत्ति छानबिन गर’, ‘मिटरब्याजविरुद्ध कानुन निर्माण गर’ लगायतका पम्प्लेसहित धर्ना दिएका उनीहरु टंगालको धर्नापछि भद्रकाली गएका छन् ।
टंगालको धर्ना कार्यक्रममा पुगेर मुख्यसचिवले उनीहरुलाई धर्ना स्थगित गर्न आग्रह गरे पनि माग पूरा नभएसम्म प्रदर्शन नरोक्ने पीडितहरुले चेतावनी दिएका छन् । मिटरब्याजका कारण उठिबास लागेको भन्दै महोत्तरीबाट हिँडेरै काठमाडौँ पुगेका हुन् । बाँकी फोटो फिचरमा हेर्नुहोस्ः
