काठमाडौं । नेपाल राष्ट्र बैंकले २२ अर्ब १० करोड रुपैयाँको ट्रेजरी बिल जारी गर्ने भएको छ । राष्ट्र बैंकले २८ दिन, ९१ दिन, १८२ दिन र ३६४ दिनको लागि ट्रेजरी बिल जारी गर्न लागेको हो । मंगलबार जारी हुने यस ट्रेजरी बिलका लागि सोमबार दिउँसो ३ बजे बोलकबोल हुनेछ ।
राष्ट्र बैंकका अनुसार मंगलबार जारी हुने २८ दिनको लागि ५ अर्बको ट्रेजरी २०८० वैशाख १२ गते परिपक्व हुनेछ । ९१ दिनको लागि ११ अर्ब ५० करोड रुपैयाँको ट्रेजरी बिल २०८० असार १२ गते परिपक्व हुनेछ भने १८२ दिनको लागि जारी गर्न लागिएको ६० करोड रुपैयाँको ट्रेजरी असोज ९ गते परिपक्व हुनेछ ।
त्यस्तै, एक वर्षको लागि जारी हुने ५ अर्ब रुपैयाँ बराबरको ट्रेजरी बिल २०८० चैत १३ गते परिपक्व हुने राष्ट्र बैंकले जनाएको छ ।
राष्ट्र बैंकले मंगलबार जारी गर्ने टे«जरी बिलको बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिक समेत सहभागिता जनाउन सक्नेछन् । बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँट हुने गर्दछ ।
