×

Live on

रेडियो अर्थ सरोकार

Listen to live radio.

खराब कर्जा बढेपछि गभर्नरले वाणिज्य बैंकका सीईओहरुलाई बोलाए, याक एण्ड यती होटलमा गम्भीर छलफल हुँदै !

PRIME CA
GLOBAL IME BANK

खराब कर्जा बढेपछि गभर्नरले वाणिज्य बैंकका सीईओहरुलाई बोलाए, याक एण्ड यती होटलमा गम्भीर छलफल हुँदै !

१३ चैत्र २०७९, सोमबार

पढ्न लाग्ने समय: १ मिनेटभन्दा कम

काठमाडौं । बैंकिङ प्रणालीमा खराब कर्जा बढेपछि नेपाल राष्ट्र बैंकले बैंकहरुसँग छलफल सुरु गरेको छ । बैंकिङ प्रणालीमा प्रवाह भएको कर्जा उठ्नै छाडेपछि राष्ट्र बैंकले वाणिज्य बैंकहरुसँग छलफल गर्ने भएको हो ।

राष्ट्र बैंकले बैंकहरुसँग सोमबार तीन बजे याक एण्ड यती होटलमा छलफल गर्ने राष्ट्र बैंकको बैंक तथा वित्तीय संस्था नियमन विभागले जनाएको छ । विभागका अनुसार छलफलमा वाणिज्य बैंकहरुका सबै सीईओहरुको सहभागिता रहनेछ ।

नियमन विभागले ‘समसामयिक बिषयमा’ भन्दै छलफलका लागि बैंकका सीईओहरुलाई सहभागिताका लागि निम्तो पठाएको छ । कार्यक्रममा राष्ट्र बैंकका गभर्नर महाप्रसाद अधिकारी, डेपुटी गभर्नर बमबहादुर मिश्र लगायतको उपस्थिति रहने विभागले जनाएको छ । विभागका अनुसार नियमन विभागले प्रिजेन्टेसन दिने छ भने सुपरिवेक्षण विभागका तर्फबाट पनि बैंकहरुको अवस्था र अभ्यासका बारेमा टिप्पणी गरिनेछ ।

त्यस्तै, कार्यक्रममा बैंकका सीईओहरुलाई पनि समसामयिक विषयमा आफ्नो धारणा राख्ने मौका दिइनेछ ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: