काठमाडौं । नेपाल धितोपत्र बोर्डले साल्ट ट्रेडिङ कर्पोरेशन लिमिटेडको गैर कानुनी सेयर कारोबारको विषयमा छानबिन सुरु गरेको छ । बोर्डको निगरानी विभागले शंकास्पद सेयर कारोबारबारे छानबिन सुरु गरेको हो ।
धितोपत्र बोर्डको नियमानुसार सञ्चालक समितिको अध्यक्ष पदमा रहँदा वा अवकाश पाउको एक वर्षसम्म सम्बन्धित व्यक्ति/पदाधिकारी वा निजको परिवारले सेयर खरिद बिक्री गर्न पाउँदैनन् ।
तर, साल्ट ट्रेडिङका अध्यक्ष कल्याण गोबिन्द श्रेष्ठका छोरा रोशन गोबिन्द श्रेष्ठले केही दिन अघि साल्ट ट्रेडिङकै हजारौँ कित्ता सेयर बेचेका थिए, जुन नियमविपरितको कार्य हो ।
कम्पनीका भएको शंकास्पद कारोबारको बारेमा बोर्डले पनि छानबिन सुरु गरेको बोर्डका कार्यकारी निर्देशक मुक्तिनाथ श्रेष्ठले पुष्टी गरेका छन् । श्रेष्ठका अनुसार बोर्डमा साल्ट ट्रेडिङ कर्पोरेशनको गैर कानुनी कारोबारको विषयमा उजुरीसमेत परेको छ । ‘सोही उजुरीका आधारमा बोर्डले पनि छानबिन अगाडि बढाएको छ ।’- उनले भने ।
