काठमाडौं । साताको कारोबारको अन्तिम दिन बिहिबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक १०.८७ अंकले घटेर १९०८.५५ बिन्दुमा पुगेको हो । बिहिबार नेप्सेमा कुल २५४ कम्पनीको २७ लाख ५० हजार ६ सय ५५ कित्ता सेयर खरिद बिक्री हुँदा ८९ करोडमाथिको सेयर कारोबार भएको छ । बिहिबार सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ५८ हजार १ सय ९९ रुपैयाँ २० पैसा बराबरको सेयर कारोबार भएको हो ।
यस्तै बिहीबारको सेयर बजारमा सुपर माई हाइड्रोपावर लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको छ । यस अलावा सिटिजन्स म्युचुअल फण्ड-२, कालिन्चोक दर्शन लिमिटेड, आरएसडिसी लघुवित्त वित्तिय संस्था, एनएलजी इन्स्योरेन्स कम्पनी र कुमारी इक्वटि फण्डका लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच बिहीबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ५८ हजार १ सय ९९ रुपैयाँ २० पैसा बराबरको सेयर कारोबार भएको हो । यस अलावा हिमालयन डिष्ट्रिलरी, जीवन विकास लघुवित्त वित्तिय संस्था, एनआइसी एशिया बैंक, नबिल बैंक र सोल्टी होटलको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी बिहीबारको सेयर बजारमा आदर्श लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । आदर्श लघुवित्त वित्तिय संस्थामा यस्तो गिरावट आउँदा जाल्पा सामुदायिक लघुवित्त वित्तिय संस्था, ग्लोबल आइएमई ब्यालेन्स फण्ड-१, सपोर्ट माइक्रोफाइनान्स वित्तिय संस्था र बिशाल बजार कम्पनीमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः
