काठमाडौं । एनआईसी एशिया बैंकलाई ‘चोर, फटाहा’ भनेपछि चार्टर्ड एकाउन्टेन्ट अजय चौरासियाविरुद्ध साइबार क्राइममा उजुरी परेको छ । बैंकले विभिन्न बाहनामा दुःख दिएको भन्दै चौरासियाले बैंकप्रतिको ‘भडास’ पोख्दै सामाजिक सञ्जालमा ‘चोर, फटाहा’ भनेपछि बैंकले उनीविरुद्ध साइबर क्राइममा उजुरी दिएको हो ।

अर्थ सरोकार डटकमको टेलिभिजन कार्यक्रम ‘बिज एण्ड ब्रेन’मा बोल्दै चौरासियाले बैंकले आफूविरुद्ध उजुरी दिएको पुष्टी गरे । ‘म आफैमा एउटा चार्टर्ड एकाउन्टेन्ट हो, र कुनै समय एनआईसी एशिया बैंकमा काम समेत गरेको छु । तर, बैंकले ऋणीहरुलाई अनेक बाहनामा दुःख दिएको छ, ठगेको छ ।’, उनले भने, ‘अनि बैंकले गरको गलत कामको विरोध गर्दा म माथि उजुरी हालियो । म एक्लैको समस्या भएको भए बसेर सल्टाउथेँ होला तर हजारौँ ऋणीहरु मर्कामा परेका छन् । त्यसैले खुला रुपमा विरोध गरेको हुँ ।’

तर, तपाईले त बैंकविरुद्ध साह्रै तुच्छ शब्द नै प्रयोग गर्नुभएको थियो नि, त्यो गलत होइन ? भन्ने प्रश्नमा उनले जवाफ दिँदै भने- ‘हो, एनआईसी एशिया बैंकलाई मैले ‘चोर-फटाहा’ भनेकै हो । तर, त्यसको पछाडी पनि कारण छ । कुनै समय म आफैँ एनआईसी एशिया बैंकको कर्मचारी भएर काम गरेको मान्छे हुँ । बैंकले कहिँ न कतै साह्रै गलत गरेकै भएर त मैले ‘चोर फटाहा’ भनेको हुँला नि ? म सँग प्रमाण छ, बैंकले कहाँ, कसरी ठग्यो भन्ने । म पनि मानसिक सन्तुलन गुमाएको मान्छे होइन ।’

संवादको बाँकी अंश भिडियोमा हेर्नुहोस्ः