">
काठमाडौं । गैरकानुनी रुपमा सेयर बिक्री गरेको पुष्टि भएपछि नेपाल धितोपत्र बोर्डले ज्ञानेन्द्रलाल प्रधानलाई कार्वाही गरेको छ । नेपाल हाइड्रो डेभलोपर लिमिटेडका तत्कानीन अध्यक्ष प्रधानले आफू कम्पनीको अध्यक्ष पदमा रहँदै नियम विपरित सेयर बिक्री गरेको पुष्टी भएपछि बोर्डले उनालाई कारबाही गरेको हो ।
आइतबार बसेको बोर्डको सञ्चालक समितिको बैठकले प्रधानलाई ७५ हजार रुपैयाँ जरिवाना र १० बर्षसम्म कुनै पनि सूचिकृत संस्थाको सन्चालक, महाप्रबन्धक वा सो सरहको पदमा बहाल हुन नपाउनेगरी कारबाही गरेको बोर्डले पुष्टि गरेको छ । यसघि हिमालयन डिस्टिलरीका संचालकलाई पनि बोर्डले यहि प्रकृतिको कार्वाही गरेको थियो ।
केहि दिन अघिमात्र बोर्ड अध्यक्ष रमेश हमालले गलत काम गर्नेलाई नछोड्ने दोहोर्याएका थिए । उनकै पहलमा यस अघि नियमविपरित सेयर बेचेको भन्दै बोर्डले गुरु न्यौपानेलाई कार्वाही गरेको थियो । न्यौपानेविरुद्ध बोर्डले काठमाडौं जिल्ला अदालतमा मुद्धासमेत दायर गरेको छ । प्रधानको फाइल भने सरकारी वकिलको कार्यलयमा पुगेको छ । केही दिनपछी उनीकिरुद्ध पनि जिल्ला अदालतमा मुद्धा दायर हुनेछ ।
रमेश हमाल बोर्ड अध्यक्ष भएर आएपछि गलत काम गर्नेलाई कार्वाही हुने क्रम बढेको छ । यसअघि गलत गरेको प्रमाण हुँदा पनि छानविन नै अघि नबढाउने, फाइल लुकाउने जस्ता काम बोर्डमा हुँदा गलत गर्नेहरुको मनोबल बढेको थियो ।
