काठमाडौं । पूँजी बजार सुधारका लागि लगानीकर्ता संगठनले धितोपत्र बोर्डलाई ज्ञापन पत्र बुझाएका छन् । सोमबार धितोपत्र बोर्डमा एक कार्यक्रमकाबीच नेपाल एन्भेष्टर्स फोरम, शेयर लगानीकर्ता संघ र नेपाल पूँजीबाजार लगानीकर्ता संघले संयुक्त रुपमा बोर्डलाई ज्ञापन पत्र बुझाएका हुन् ।

लगानीकर्ताका तर्फबाट नेपाल इन्भेष्टर्स फोरमका अध्यक्ष तुलसी राम ढकाल, शेयर लगानीकर्ता संघ नेपालका अध्यक्ष तारा प्रसाद फुल्लेल र नेपाल पूँजीबजार लगानीकर्ता संघका सुदूरपश्चिम संयोजक कुमार थापाले बोर्ड अध्यक्ष रमेश कुमार हमाललाई ज्ञापन पत्र बुझाएका हुन् । ज्ञापन पत्र बुझाउँदै शेयर लगानीकर्ता संघ नेपालका अध्यक्ष तारा प्रसाद फुल्लेलले लामो समयदेखिको पर्खाइको विषय बनेको नयाँ ब्रोकर, स्टक एक्सचेन्ज र कमोडिटी एक्सचेन्जको लाइसेन्स रोक्न परेको मुद्धाको रिट खारेज भएकोप्रति खुसी व्यक्त गरेका छन् । साथै उनले नयाँ ब्रोकर र स्टक एक्सचेन्ज थप्ने विषयलाई उच्च प्राथामिकताका साथ लिनसमेत बोर्डलाई आग्रह गरेका छन् ।

त्यस्तै, इन्भेष्टर्स फोरमका अध्यक्ष तुलसी राम ढकालले लामो समयदेखि ओरालो गतिमा रहेको नेपाली पूँजी बजारलाई सुधारको बाटोमा लैजान प्रभावकारी भूमिका खेल्न बोर्डलाई आग्रह गरेका छन् । सोही क्रममा नेपाल पूँजीबजार लगानीकर्ता संघको सुदूरपश्चिम संयोजक कुमार थापाले पनि पूँजी बजार सुधारका लागि बोर्डले अभिभावको भूमिका सही अर्थमा निभाउनुपर्ने बताएका छन् ।

त्यस्तै, ज्ञापन पत्र बुझ्दै बोर्डका अध्यक्ष रमेश कुमार हमालले लगानीकर्ताका मागहरुप्रति बोर्ड सकारात्मक रहेको बताएका छन् । ‘बोर्ड लगानीकर्ताको अभिभावक हो र आफ्ना सन्तती अफ्ठ्यारोमा परेको अभिभावकले टुलुटुलु हेर्न सक्दैनन् ।’, अध्यक्ष हमालले भने, ‘तपाईहरुका मागप्रति बोर्ड सकारात्मक छ । थप अध्ययन गरी पूँजी बजार सुधार र लगानीकर्ताको माग सम्बोधन गर्नेतर्फ अग्रसर हुनेछु ।’

यस्ता छन् लगानीकर्ता संगठनले बोर्डसमक्ष राखेका मागहरुः