काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक घटेको छ । बिहीबारको तुलनामा नेप्से परिसूचक २० अंकले घटेर १८८८.५५ बिन्दुमा पुगेको हो । आइतबार नेप्सेमा कुल २६० कम्पनीको ३७ लाख ८७ हजार २ सय ४१ कित्ता सेयर खरिद बिक्री हुँदा १ अर्ब २० करोडमाथिको सेयर कारोबार भएको छ । आइतबार सबैभन्दा बढी कारोबार एनआइसी एशिया बैंकको भएको छ । यस कम्पनीको ५ करोड ५ लाख ६२ हजार ४ सय ८५ रुपैयाँ ३० पैसा बराबरको सेयर कारोबार भएको हो ।

यस्तै आइतबारको सेयर बजारमा कालिन्चोक दर्शन लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको छ । यस अलावा सिटिजन्स म्युचुअल फण्ड-१, जीवन विकास लघुवित्त वित्तिय संस्था, एनआइसी एशिया फ्लेक्सी क्याप फण्ड, स्वेत-गंगा हाइड्रोपावर र सुपर माइ हाइड्रोपावरका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच आइतबारको सेयर बजारमा सबैभन्दा बढी एनआइसी एशिया बैंकको भएको छ । यस कम्पनीको ५ करोड ५ लाख ६२ हजार ४ सय ८५ रुपैयाँ ३० पैसा बराबरको सेयर कारोबार भएको हो । यस अलावा शिवम् सिमेन्ट, रिडी पावर कम्पनी, हिमालयन डिष्ट्रिलरी, नेपाल रिइन्स्योरेन्स कम्पनी र नबिल बैंकको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी आइतबारको सेयर बजारमा स्वाभिमान लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो । स्वाभिमान लघुवित्त वित्तिय संस्थामा यस्तो गिरावट आउँदा ८.५% प्रभु बैंक डेबेञ्चर, विजया लघुवित्त वित्तिय संस्था, माया खोला हाइड्रोपावर र रिडी पावर कम्पनीमा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः