काठमाडौं । साताको कारोबारको अन्तिम दिन बिहिबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक ८.२८ अंकले घटेर १८६६.७९ बिन्दुमा पुगेको हो । बिहिबार नेप्सेमा कुल २६९ कम्पनीको २८ लाख ७० हजार ८ सय १९ कित्ता सेयर खरिद बिक्री हुँदा ९२ करोडमाथिको सेयर कारोबार भएको छ । बिहिबार सबैभन्दा बढी कारोबार शिवम् सिमेन्टको भएको छ । यस कम्पनीको ४ करोड ९२ लाख ६ सय ७९ रुपैयाँ ६० पैसा बराबरको सेयर कारोबार भएको हो ।

यस्तै बिहीबारको सेयर बजारमा कालिन्चोक दर्शन लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको छ । यस अलावा सिटिजन्स म्युचुअल फण्ड-२, ग्लोबल आइएमइ लघुवित्त वित्तिय संस्था, नदेप लघुवित्त वित्तिय संस्था, नेपाल ल्युब ओयल र कुमारी धनवृद्धि योजनाका लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ४ करोड ९२ लाख ६ सय ७९ रुपैयाँ ६० पैसा बराबरको सेयर कारोबार भएको हो । यस अलावा नेपाल रिइन्स्योरेन्स, नबिल बैंक, हिमालयन डिष्ट्रिलरी, एनआइसी एशिया बैंक र एक्सेल डेभलपमेन्ट बैंकको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी बिहीबारको सेयर बजारमा समलिंग पावर कम्पनीका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो । समलिंग पावरमा यस्तो गिरावट आउँदा खप्तड लघुवित्त वित्तिय संस्था, सानिमा ग्रोथ फण्ड, आदर्श लघुवित्त वित्तिय संस्था र लक्ष्मी लघुवित्त वित्तिय संस्थामा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः