काठमाडौं । कामना सेवा विकास बैंकका प्रमुख कार्यकारी अधिकृत (सीईओ) दिनेश थकालीले कार्यभार सम्हालेका छन् ।
१३ वैशाख मा बैंकको सञ्चालक समितिको बैठकले गरेको निर्णय अनुसार नै थकालीले आगमी ४ वर्षका लागि १४ जेठ (आइतबार)देखि सीईओको कार्यभार सम्हालेका हुन् ।
थकाली यसअघि प्रभु बैंकमा चिफ बिजनेश अफिसरका रुपमा कार्यरत थिए । साढे २ वर्ष प्रभु क्यापिटलको प्रवन्ध निर्देशकसमेत रहेका थकाली सांग्रिला डेभलेपमेन्ट बैंकमा रहँदा कामु सीईओ थिए ।
चार्टर्ड एकाउन्टेन्टसमेत रहेका थकालीसँग बैंक ऋण, निक्षेप बजारीकरणदेखि पुँजी बजारसम्मको राम्रो ज्ञान छ ।
